குடியாத்தம் வட்டார வளர்ச்சி அலுவலகத்தில் திருமண நிதி உதவி திட்டம் பெற பகல் கொள்ளையில் எம்.எஸ் பச்சையம்மாள், ஜி.எஸ் மேரி...?
வேலூர் மாவட்டம், குடியாத்தம் பி.டி.ஓ. அலுவலகத்தில் திருமண நிதியுதவி திட்டத்துக்கு பணம் வழங்க லஞ்சம் கேட்டு பெறும் அவல நிலை தொடர்ந்து நிலவி வருகிறது. இதுகுறித்து மாவட்ட நிர்வாகம் நடவடிக்கை எடுத்து வசூல் வேட்டையில் ஈடுபடுவோர் மீது துறை ரீதியான நடவடிக்கை மேற்கொள்ள முன் வர வேண்டும் என்று பொதுமக்கள் வேண்டுகோள் விடுத்துள்ளனர். தமிழக அரசு ஏழை எளிய மக்கள் பயன் பயன்பெற வேண்டும் என்ற நோக்கத்தில் பல்வேறு திட்டங்களை செயல்படுத்தி வருகிறது. உதாரணத்துக்கு பத்தாம் வகுப்பு வரை படித்த பெண்களுக்கு ரூபாய் 25.000 ஒரு சவரன் தங்கம், அதேபோல் விதவை மகள் திருமணத்திற்கு ரூபாய் 25.000, ஒரு சவரன் தங்கம், மறுமணத்திற்கும் ரூபாய் 25.000 ஒரு சவரன் தங்கம், கலப்பு திருமணத்திற்கும் ரூபாய் 25.000 ஒரு சவரன் தங்கம், பட்டதாரி பெண்களுக்கு ரூபாய் 5.0000 ஒரு சவரன் தங்கம், என செயல்படுத்த ஒவ்வொரு ஆண்டும் நிதி ஒதுக்கி செயல்படுத்தி வருகிறது தமிழக அரசு. இந்த திட்டத்தில் பயன்பெற ஒவ்வொருவரும் ஒவ்வொரு பி.டி.ஓ, அலுவலகத்தில் சமூகப்பாதுகாப்பு விரிவாக்க பிரிவில் விண்ணப்பதாரர்கள் அரசின் விதிமுறைகளுக்கு உட்பட்டு எம்.எஸ் ஜி.எஸ், மூலமாக விண்ணப்பித்தார்கள் விண்ணப்பிக்க வேண்டும். திருமணத்திற்கு ஒரு மாதத்திற்கு முன்பாக இ-சேவை மையம் மூலம் விண்ணப்பிக்க வேண்டும். விண்ணப்பத்தின் நகல்களை எம்.எஸ்., சமூக நல விரிவாக்க அலுவலர் (மற்றும் ஜி.எஸ்.,) ஊர் நல விரிவாக்க அலுவலர்கள் ஆகியோரிடம் மூன்று நகல்கள் வழங்க வேண்டும்.
இவர்கள் திருமணத்திற்கு முன்னதாக திடீரென மணப்பெண் வீட்டிற்கு வந்து ஆய்வு மேற்கொள்வார்கள். எம்.எஸ். மற்றும் ஜி.எஸ்கள் அந்த சமயத்தில் மணப்பெண்ணின் வசதி வாய்ப்புகளை அறிந்து அதற்கு ஏற்றாற்போல் வேலூர் மாவட்டம், குடியாத்தம் பி.டி.ஓ .,அலுவலகத்தில் தற்போது திருமண நிதி உதவித் திட்டத்தில் சமூக நலப் பாதுகாப்பு விரிவாக்க அலுவலர்களாக பணியாற்றி வருபவர் திருவண்ணாமலை மாவட்டத்தை சார்ந்த பச்சையம்மாள் (எம்.எஸ்) மற்றும் சமூக நலப் பாதுகாப்பு ஊர் நல விரிவாக்க அலுவலராக சென்னையை சேர்ந்த மேரி என்பவர் பணியாற்றி வருபவர் இவர்கள் இருப்பவர் கூட்டணியிலும் ரூபாய் 25 ஆயிரம் ஒரு சவரன் திட்டத்திற்கு, ரூபாய் 10 ஆயிரம் அதேபோல் பட்டதாரி பெண்களுக்கு வழங்கப்படும் ரூபாய் 50,000 ஒரு சவரன் திட்டத்திற்கு, ரூபாய் 15000 லஞ்சம் வாங்குவதாக விண்ணப்பதாரர்கள் சொல்லு கின்றனர். இவர்கள் கேட்கும் லஞ் சப்பணத்தை கொடுக்க வில்லை என்றால் ஏதாவது ஒரு காரணம் சொல்லி விண்ணப்பத்தை ஓரம்கட்டி விடுவார்களாம். இதற்கு பயந்து வந்த வரை லாபம் என விண்ணப்பதாரர்கள் இவர்கள் கேட்கும் பணத்தை கொடுத்து காரியத்தை முடித்துக்கொள்கிறார் கள். இந்த பணத்தில் அதிகாரிகளுக்கும் பங்கு இருப்பதாக சொல்லப்படுகிறது. லஞ்சம் வாங்குவதுதான் இவர்களது டெக்னிக். இது தவிர கொடி நாள் வசூல், ராணுவ வீரர் தின வசூல் என விண்ணப்பதாரர்களை தொந்தரவு செய்து அவர்களிடம் போலி பில்களை காட்டி லஞ்சமாக பணத்தை பெற்றுக்கொண்டு வலம் வருகிறார்களாம் எம்.எஸ் மற்றும் ஜி.எஸ்கள் என்றால் இது தவிர ஏற்கனவே அரசு திருமண நிதி உதவித் திட்டத்திற்கு சரியாக நிதி ஒதுக்காமல் போகவே கடன் உடன் வாங்கி திருமணத்தை நடத்திய தாய்மார்கள் கடன்காரர்களுக்கு கடனை திருப்பிச் செலுத்த அரசின் திருமண நிதி உதவி எப்போது வரும் என்று தவியாய் தவித்த நிலையில்தான் தமிழகம் முழுவதும் வட்டார வளர்ச்சி அலுவலகம் வாரியாக திருமணம் முடிந்த பெண்களுக்கு நிதியை ஒதுக்கி திருமண நிதி உதவித் திட்டம் வழங்க உள்ளநிலையில் வட்டார வளர்ச்சி அலுவலகத்தில் திருமண உதவித்திட்டம் பிரிவில் தூசி தட்டும் பணியை தொடங்கப்பட்டு மாதக்கணக்கில் ஆகிறது மேலும் பயனாளிகளின் மனுக்கள் மற்றும் ஆவணங்கள் சரிபார்க்கப்பட்டு வரும் எம்.எஸ், ஜி.எஸ்கள் இது சரியில்லை அது சரியில்லை என்று மக்களை ஏசுவதும் ஒருமையில் பேசுவதும் தூரம் போ சனியனே பயனாளிகளை திட்டுவதும் உண்டு என்கிறார்கள் அப்பாவி பயனாளிகள், இது சம்பந்தமாக அலுவலகத்தில் பணிபுரியும் ஊழியர் ஒருவர் கூறும்போது இந்த பி.டி.ஓ அலுவலகத்தில் சமூக பாதுகாப்பு விரிவாக்க அலுவலர் மற்றும் ஊர் நல விரிவாக்க அலுவலர்கள் லஞ்சம் வாங்குவதற்கு தனிப்பயிற்சி எடுத்திருப்பார்கள் போல் தெரிகிறது என்று கூறுகிறார் இதனை நமது நிருபர் நேரிலும் பார்த்தும் காதால் கேட்க முடிந்தது மேலும் சமனசாட்சி இல்லாமல் எம்.எஸ்களும் கட்டாய வசூல் வேட்டை நடத்தி வருகின்றனர். இதற்கெல்லாம் எப்போது தீர்வு கிடைக்கும் என்று விண்ணப்பதாரர்கள் புலம்புகின்றனர். இனியாவது சம்பந்தப்பட்ட சமூக பாதுகாப்பு நலத்துறை அமைச்சர் மற்றும் சமூக பாதுகாப்பு நல இயக்குநர் நடவடிக்கை எடுப்பார்களா? என்று எதிர்பார்த்து காத்துக் கொண்டிருக்கின்றனர் ஏழை மக்கள். மேலும் வேலூர் மாவட்ட (பொறுப்பு) சமூக பாதுகாப்பு நல அலுவலராக இருப்பவர் ஈரோடு மாவட்டத்தை சேர்ந்த முருகேஸ்வரி.
இவர் வந்த பிறகு திருமண நிதி உதவி திட்டத்தில் லஞ்சம் வாங்குவது அதிகரித்துள்ளது என்று சொல்லப்படுகிறது. இதனால் எம்.எஸ் ஜி.எஸ்களும் வாங்கும் லஞ்சபணத்தில் மாவட்ட சமூக பாதுகாப்பு நல அலுவலர் முருகேஸ்வரிக்கு மாதம் மாதம் ஒவ்வொரு வட்டார வளர்ச்சி அலுவலகத்தில் இயங்கி வரும் திருமண நிதி உதவி திட்டம் பிரிவில் இருந்தும் பங்கு சென்றுவிடுவதால் அவர் எம்.எஸ்., ஜி.எஸ்.,கள் வாங்கும் லஞ்ச குற்றச்சாட்டு மீது உரிய நடவடிக்கை எடுப்பதில்லையாம். எனவே மாவட்ட நிர்வாகத்தின் நடவடிக்கையை பொறுத்திருந்துதான் பார்க்க வேண்டும். அத்துடன் இதுகுறித்து லஞ்ச ஒழிப்புத்துறை லஞ்சம் கேட்கும் நபர்களை கைது செய்ய நடவடிக்கை எடுக்க வேண்டும் என்று பாதிக்கப்பட்டுள்ளார் வேண்டுகோள் விடுத்துள்ளனர். மேலும் இந்த குடியாத்தம் வட்டார வளர்ச்சி அலுவலகத்தில் திருமண நிதி உதவித் திட்ட பிரிவில் எம் எஸ் ஆக பணியாற்றி வந்தவர் குடியாத்தம் பகுதியைச் சேர்ந்தவர் சாவித்திரி இவர் சென்ற 2019ஆம் ஆண்டு லஞ்ச ஒழிப்புத் துறையில் மாட்டிக்கண்டது குறிப்பிடத்தக்கது அதுபோன்று மீண்டும் திடீரென லஞ்ச ஒழிப்பு துறையினர் அலுவலகத்தில் நுழைந்து சோதனை நடத்தினால் பகல் கொள்ளையில் ஈடுபட்டுள்ள பணப் பேய்கள் சிக்கக் கூடும் என்கிறார்கள பெயரை சொல்லாத அலுவலக ஊழியர்கள்
