தென்காசி அரசு மாவட்ட தலைமை மருத்துவமனை கண்காணிப்பாளர் மருத்துவர் ஜெஸ்லின் பொதுமக்களின் மற்றும் மருத்துவமனை ஊழியர்கள் நலனுக்காக இணை இயக்குநர் நலப்பணிகள் மருத்துவர் முருகவேல் ஆலோசனையின் படி புதிய வித்தியாசமான சளி மாதிரி சேகரிப்பு மையத்தை தென்காசி அரசு மாவட்ட தலைமை மருத்துவமனை யில் உருவாக்கியுள்ளார். கொரோனா தொற்று நோயாளிகளுக்கு உள்ளதா என கண்டறிய மூக்கிலும், தொண்டையிலும் சனி எடுப்பதற்காக புதிதாக உருவாக்கப்பட்ட அமைப்பை மாவட்ட ஆட்சியர் அருண் தயாளன் பார்வையிட்டார். இந்த புதிய சேகரிப்பு மையத்தில் சளி மாதிரி எடுக்கும் போது ஒரு கொரானா தொற்று நோயாளியிடம் இருந்து இன்னொரு நோயாளிக்கோ அல்லது நோயாளியிடம் இருந்து மருத்துவமனை பணியாளர்களுக்கோ பரவ வாய்ப்பில்லை என மருத்துவர்கள் மாவட்ட ஆட்சித் தலைவரிடம் விளக்கினர். சளி சேகரிப்பு மையம் பற்றி அரசு மாவட்ட தலைமை மருத்துவமனை கண்காணிப்பாளர் மருத்துவர் ஜெஸ்லின் கூறியதாவது, கொரோனா தொற்றின் வீரியத்தையும் அது பரவும். வேகத்தையும் கருத்தில் கொண்டு, நோயாளிகளின் நலன் கருதியும், மருத்துவமனை பணியாளர்களின் நலன் கருதியும் மற்றவர்களுக்கு பரவாமல் இருப்பதற்காக புது முயற்சியாக இணை இயக்குநர் ஆலோசனை யின் படி அனைத்து மருத்துவர் களின் ஒத்துழைப் புடன் இந்தப் புதிய சளி சேகரிப்பு மையத்தை உருவாக்கியுள் ளோம். மையத்தில் ஒரு நோயாளிக்கு சளி மாதிரி எடுத்த டென் ஐந்து நிமிடத்தில் அந்த மையத்தை கிருமி நாசினி கொண்டு சுத்தப்படுத்த தானியங்கி அமைப்பு ஏற்படுத்தப்பட்டுள் ளது. எங்களின் எண்ணங் களையும் தேவைகளையும் கூற அதை அப்படியே ஏற்று உடனடியாக வடிவமைத்துக் கொடுத்த அரசு பொறியாளர்கள் இப்ராஹிம், உதயகுமார், ஒப்பந்த பணியாளர் ஆனந்த் ஆகியோருக்கு நன்றி தெரிவித்துக் கொள்கிறேன் என்றார்.
