பொதுமேடையில் பாகிஸ்தானை வாழ்த்தி முழக்கமிட்ட மாணவியின் காவல் நீட்டிப்புபொதுமேடையில் பாகிஸ்தானை வாழ்த்தி முழக்கமிட்டதற்காகக் கைது செய்யப்பட்டுள்ள கல்லூரி மாணவி அமுல்யா லியோனாவின் காவலை வரும் 5ஆம் தேதி வரை நீதிமன்றம் நீட்டித்துள்ளது. பிப்ரவரி 20ஆம் தேதி பெங்களூரில் மஜ்லிஸ் கட்சி நாடாளுமன்ற உறுப்பினர் அசாதுதீன் ஓவைசி தலைமையில் நடைபெற்ற கூட்டத்தில் பேசிய கல்லூரி மாணவி அமுல்யா லியோனா, பாகிஸ்தானை வாழ்த்தி முழக்கமிட்டார். இதையடுத்து அதிர்ச்சியடைந்த ஓவைசி அந்தப் பெண்ணிடம் இருந்த மைக்கைப் பறித்துக் கொண்டார். காவல்துறையினர் மேடையில் இருந்து அவரை வெளியேற்றியதுடன் கைது செய்து நீதிமன்றத்தில் ஆஜர்படுத்திச் சிறையில் அடைத்தனர். அவருக்குத் தீவிரவாத இயக்கங்களுடன் தொடர்புள்ளதா என விசாரணை நடத்தப்பட்டு வருகிறது. இந்நிலையில் அமுல்யா லியோனாவின் காவலை வரும் 5ஆம் தேதி வரை நீட்டித்து பெங்களூர் நீதிமன்றம் உத்தரவிட்டுள்ளது.